इरानले आगामी नोभेम्बर महिनामामा कतारमा हुने विश्वकप फुटबलमा आफ्नो स्थान सुरक्षित गरेको छ ।
बिहीबार भएको विश्वकपको एसियाली छनोटअन्तर्गत तेस्रो चरणको खेलमा इराकमाथि १–० गोलको जित निकाल्दै इरान छनोट भएको हो ।
इरानले घरेलु मैदानमा चिरप्रतिद्वन्दी इराकलाई हराउँदा मेधी तारेमीले निर्णायक गोल गरे ।
पहिलो हाफ गोलरहित बराबरीमा सकिएको उक्त खेलको ४८औँ मिनेटमा तारेमीले इरानका लागि निर्णायक गोल गरे ।
मेधी तिनै खेलाडी हुन्, जसलाई प्रशिक्षक ड्राग स्कोकिचसँगको विवादपछि टिमबाट हटाइएको थियो ।
तर स्कोकिचले इराकविरुद्धको खेलका लागि उनलाई टिममा फिर्ता बोलाएका थिए ।
जितसँगै इरान एसियाली मुलुकबाट २०२२ को विश्वकपमा स्थान सुरक्षित गर्ने पहिलो देश बन्यो ।
इरान विश्वकपमा छनोट भएको यो लगातार तेस्रो पटक हो ।
यसअघि उसले ब्राजिल र रुसमा भएको विश्वकपमा पनि खेलेको थियो ।
समग्रमा भने इरान विश्वकपमा छनोट भएको यो छैटौँ पटक हो ।
इरानले समूह ‘ए’ मा सात खेलबाट १९ अङ्क जोड्दै शीर्ष स्थानमा रहेको छ ।
