नेपालविरुद्धको दोस्रो तथा अन्तिम मैत्रिपूर्ण खेलका लागि मोरिससले आफ्नो सुरुवाती ११ सार्वजनिक गरेको छ ।
अघिल्लो खेलका ६ खेलाडीलाई परिवर्तन गर्दै मोरिससले दोस्रो खेलका लागि आफ्नो लाइनअप सार्वजनिक गरेको छ ।
मोरिससको अफिसियल फेसबुक पेजमार्फत सार्वजनिक गरिएको लाइनअप अनुसार आजको खेलमा मोरिससको नेतृत्व फरवाड एन्डी सोफीले गर्नेछन् ।
अघिल्लो खेलमा वैकल्पिक खेलाडी रहेका सोफीले आज आर्मब्यान्डसहित नेपालविरुद्ध पहिलो रोजाइ खेल्दैछन् ।
सोफीबाहेक कर्लसन अगाथे, लिन्डस्ले ब्रास, वशित कलकत्ता, लोइस मिचेल र एड्रियन बोटलरले नेपालविरुद्ध प्लेइङ इलेभेनमा स्थान पक्का गरेका छन् ।
अघिल्लो खेलमा पनि वैकल्पिक खेलाडीका रुपमा बेन्चमा बसेका डिफेन्डर स्टेफन जेनटिल यसपालि पनि बेन्चबाट मैदान प्रवेश गर्नुपर्ने भएको छ ।
मोरिससका प्रशिक्षक टोनी फ्रान्कोइसले अघिल्लो खेल खेलेका केभिन जीन लुइस, मर्विन जोसेलिन, स्टीवन एस्ले नाजिरा, केन्गी सारामानडिफ, एड्रियन फ्रान्कोइस र इमानुएल फुलचुण्डलाई आजको खेलमा विश्राम दिएका छन् ।
अफ्रिकी राष्ट्र मोरिससविरुद्धको पहिलो खेलमा नेपालले १–० को साँघुरो जित दर्ता गराएको थियो । नेपालका लागि एकमात्र गोल खेलको ५५औं मिनेटमा विमल घर्ती मगरले गरेका थिए ।
यस्तो छ नेपालविरुद्धको दोस्रो मैत्रिपूर्ण खेलमा मोरिससको सुरुवाती ११
१. एन्डी सोफी
२. डेमियन बालिसन
३. भाविश रासदाराइजिङ
४. जोनाथन स्पेभिल
५. रडनी क्यास्टेल
६. फर्नान्डो ज्याक्सन
७. कर्लसन अगाथे
८. लिन्डस्ले ब्रास
९. वशित कलकत्ता
१०. लोइस मिचेल
११. एड्रियन बोटलर
वैकल्पिक खेलाडीः
केभिन जीन लुइस (कप्तान/गोलरक्षक)
मर्विन जोसेलिन
स्टीवन एस्ले नाजिरा
केन्गी सारामानडिफ
एड्रियन फ्रान्कोइस
इमानुएल फूलचुण्ड
स्टेफन जेनटिल
वाल्टर सेन्ट मार्टिन
हान्स पाटाटे
