इजिप्ट एफकन २०२१ को सेमिफाइनलमा

शब्द एक्स्प्रेस संवाददाता
आईतबार १६ माघ, २०७८
१ वर्षअघि
इजिप्ट एफकनकाे सेमिफाइनलमा

मोरोक्कोको सुरुवाती अग्रतालाई उल्ट्याउँदै इजिप्ट अफ्रिकी कप अफ नेसन्स (एफकन) २०२१ को सेमिफाइनलमा प्रवेश गरेको छ ।

क्यामरुनस्थित अहमदौ अहिजो रङ्गशालामा भएको खेलमा इजिप्टलाई जिताउन कप्तान मो सलाह नायक बने ।

नायक बनेका सलाहले मोरोक्कोविरुद्ध इजिप्टले गरेको दुवै गोलमा योगदान दिएका थिए ।

खेलको छैटौं मिनेटमा नै मोरोक्कोले अग्रता लिएको थियो ।

इजिप्टका अयमन असरफले मोरोक्कोका आचराफ हाकिमीलाई लडाएपछि खेलको छैटौँ मिनेटमा मोरोक्कोले पेनाल्टी पायो ।

सोही पेनाल्टीको सदुपयोग गर्दै सोफियाने बउफल गोल गर्न सफल भएपछि मोरक्कोले सुरुवाती अग्रता लिएको थियो ।

पहिलो हाफसम्म आफ्नो अग्रता जोगाउन मोरोक्को सफल भएपनि दोस्रो हाफको ५३औं मिनेटमा इजिप्ट बराबरी गोल गर्न सफल भयो ।

इजिप्टका लागि कप्तान मो सलाह गोल गर्न सफल भए ।

कर्नरबाट आएको बलमा इजिप्टका मोहम्मद अब्देलमोनेमले पहिले हेड गरेका थिए । तर अब्देलमोनेमको प्रहार मोरक्कोका गोलरक्षक यासिन बोनोउले बचाए पनि पूर्ण नियन्त्रणमा भने लिन सकेनन् ।

रिबन्डमा आएको सोही बललाई कप्तान सलाहले पोस्टको दिशा दिएपछि खेलमा १–१ गोलको बराबरीमा भएको थियो ।

खेलको ७७औं मिनेटमा मुस्ताफा मोहम्मदले हाकिमीलाई फाउल गरेपछि मैदानमा केहीबेर विवाद सिर्जना भयाे ।

दुई खेलाडीबीच सुरू भएको विवादमा दुवै टोलीका केही खेलाडी समेत मिसिएपछि खेललाई म्याच रेफ्रिले केहीबेर रोकेका थिए ।

रोकिएको खेल मुस्ताफा र हाकिमीलाई रेफ्रिले पहेँलो कार्ड देखाएपछि सुचारू गरिएको थियो ।

८२औं मिनेटमा मोरोक्को खेलमा दोस्रो अग्रता लिनबाट चुक्यो ।

फ्रिकिकमा आएको बललाई रोमन साइसले इजिप्टको पोस्टको दिशा दिएपनि क्रसबारमा लाग्दै बल बाहिरिएपछि खेलमा पकड जमाउन मोरोक्को असफल बन्यो ।

निर्धारित ९० मिनेटको खेल १–१ गोलको बराबरीमा सकिएपछि खेलमा अतिरिक्त ३० मिनेट थपिएको थियो ।

थपिएको ३० मिनेटको दसौं मिनेटमा इजिप्टले गोल गर्दै अग्रता लियाे । सलाहको पासमा ट्रेजेगे गोल गर्न सफल भए ।

खेलको अन्तिममा अग्रता लिन सफल भएको इजिप्टले त्यसपछि खेललाई पूर्ण नियन्त्रणमा लियो र सेमिफाइनलमा स्थान बनाउन सफल भयो ।

विजयी भएर सेमिफाइनल पुगेको इजिप्टले फाइनल प्रवेशका लागि आयोजक क्यामरुनसँग प्रतिस्पर्धा गर्नु पर्ने भएको छ ।

क्यामरुनले हिजो भएको पहिलो सेमिफाइनलमा गामबियालाई २–० ले पाखा लगाउँदै सेमिफाइनल यात्रा तय गरेको हो ।

इजिप्ट सेमिफाइनलमा पुगेसँगै एफकन २०२१ को सेमिफाइनल प्रवेश गर्ने राष्ट्रको सङ्ख्या तीन पुगेको छ ।

आजै हुने सेनेगल र इक्वेटोरियल गिनीबीचको विजेताले जारी प्रतियोगिताको सेमिफाइनल समिकरण पूरा गर्नेछ ।

क्यामरुनमा जारी एफकन २०२१ को सेमिफाइनल खेल बिहीबारबाट सुरू हुनेछ ।

प्रकाशित समय: आईतबार १६ माघ, २०७८, २३:४१:२८
आईबीडी
‘आईबीडी’काे पहिलाे अधिवेशन सम्पन्न, ११ सदस्यीय कार्यसमितिकाे नेतृत्वमा मल्ल
शनिवार ७ माघ, २०७९
उपसभामुख मगर
समाजसेवादेखि शुभारम्भ भएकाे उपसभामुख मगरकाे राजनीतिक उडान
शनिवार ७ माघ, २०७९
विमान दुर्घटना
विमान दुर्घटना अपडेटः ७२ यात्रुमध्ये ११ विदेशी, तीन बालबालिका, हालसम्म ३२ शव निकालियाे
आईतबार १ माघ, २०७९
साताका सात
साताका ७ तस्बिरः धनकुटादेखि डाेटीसम्म
शनिवार १६ पुस, २०७९
जेसिस
एभरेष्टले जित्याे २७औं संस्करणको अन्तरविद्यालय जेसिस टेस्टी टेस्टी हाजिरी जवाफ प्रतियोगिताको उपाधि
शनिवार १६ पुस, २०७९
पेले
अस्ताए फिफा प्लेयर अफ द सेन्चुरी ‘पेले’
शुक्रबार १५ पुस, २०७९
आहा रारा गोल्डकप
२२औँ आहा रारा गोल्डकप फुटबल प्रतियोगिता सुरु, विजेताले १२ लाख पाउने
बिहिबार १४ पुस, २०७९
प्रथम अधिवेशन
प्रदेशसभाको अधिवेशन पुस १७ गते
बुधबार १३ पुस, २०७९
क्युएफएक्स सिनेमाजको विराटनगर
क्युएफएक्स सिनेमाजको विराटनगरकाे अफरै अफर
बुधबार १३ पुस, २०७९
गगन, शेखर कि देउवा
गगन, शेखर कि देउवाः काे बन्ला कांग्रेस संसदीय दलकाे नेता ?
सोमबार ४ पुस, २०७९
फिलिपिन्स
फिलिपिन्सविरुद्ध जितको खोजीमा नेपाल
शनिवार ७ फाल्गुण, २०७८
केपी ओली
केपी ओलीको सुझाव : प्रदेश १ को नाम कोसी राखाैँ
शनिवार २१ फाल्गुण, २०७८
बन्न नसकेका समाचार
शनिवार १ माघ, २०७८
यी हुन् प्रदेश १ का १२ मन्त्रालय
मङ्गलबार १८ माघ, २०७८
सङ्क्रमण
प्रदेश १ मा कोभिड : सङ्क्रमित हुनेभन्दा सङ्क्रमणमुक्त हुने धेरै
शनिवार १५ माघ, २०७८
पल शाह
नायक पल शाह प्रहरी नियन्त्रणमा !
आईतबार १५ फाल्गुण, २०७८
राप्रपा नेपाल र एमालेले सहकार्य गर्ने सम्भावना
बुधबार २ चैत, २०७८
पलको बचाउ
पलको बचाउ गर्दै पूजाले भनिन् : उसको अनेकन् योगदान सम्झेर एउटा गल्ती बिर्सिनुपर्छ (भिडियो)
बुधबार ११ फाल्गुण, २०७८
एसएस राजमौली
एसएस राजामौलीको ‘आरआरआर’ बाहुबलीकै लयमा
सोमबार १४ चैत, २०७८
नेपाल भ्रमणमा आएको मोरिससको टोली
दक्षिण एसियामा ‘अभागी’ मोरिसस !
बुधबार १९ माघ, २०७८