सरकारले धरानस्थित बिपी कोइराला स्वास्थ्य विज्ञान प्रतिष्ठानका विवादित पदाधिकारीहरूलाई काम नगर्न निर्देशन दिएको छ ।
शुक्रबार स्वास्थ्य तथा जनसङ्ख्या मन्त्रालयले विज्ञप्ति जारी गर्दै यस्तो निर्देशन दिएको हो । मन्त्रालयले पुस ३० गतेको मन्त्रिपरिषद् बैठकको निर्णयअनुसार पदाधिकारीहरूलाई काम कारबाही नगर्न निर्देशन दिएको हो ।
यस्तै, सरकारले अस्पतालको सञ्चालन तथा प्रतिष्ठान दैनिक प्रशासनिक कार्य सञ्चालन गर्न मन्त्रालयका बाह्रो तहका अधिकृत एवम् प्रमुख बिशेषज्ञ डाक्टर श्यामसुन्दर यादवलाई खटाएको छ ।
उनलाई सरकारले अन्य व्यवस्था नभएसम्मको लागि जिम्मेवारी दिएको खटाएको हो । यसैगरी, प्रतिष्ठान तथा अस्पतालको आर्थिक प्रशासन तथा खाता सञ्चालन गर्ने गरी स्थलगत रूपमा खटिई काम गर्न महालेखा नियन्त्रक कार्यालयबाट राजपत्राङ्कित द्वितीय श्रेणीको कर्मचारी खटाएको छ ।
