भारतीय महिला टेनिस खेलाडी सानिया मिर्जाले सन्यासको घोषणा गरेकी छन् ।
बुधबार अस्ट्रेलियन ओपनमा महिला डबल्सको पहिलो राउण्डको खेल हारेपछि उनले टेनिसबाट सन्यास लिने घोषणा गरेकी हुन् ।
सन् २०२२ को डब्ल्यूटीए उनको अन्तिम सिजन हुने जनाइएको छ ।
३५ वर्षीया मिर्जा डबल्समा सन् २०१५ काे सिजन विश्व नम्बर एक खेलाडी बनेकी थिइन् ।
हाल उनी डबल्स तर्फ विश्व वरियताकाे ६८ औँ स्थानमा रहेकी छिन् ।
सानिया मिर्जा ग्राण्डस्लाम जित्ने पहिलो भारतीय महिला खेलाडी हुन् ।
उनले सन् २०१६ मा अस्ट्रेलियन ओपनमा मार्टिना हिङ्गिससँग डबल्स खेल्दा अन्तिम ग्राण्डस्लाम जितेकी थिइन् ।
