भारतीय प्रयोगकर्तालाई लक्षित गर्दै नेटफ्लिक्सले ‘मोबाइल–ओन्ली’ प्लान लन्च गरेको छ ।
नेटफ्लिक्सले भारतमा ल्याएको नयाँ योजना अनुसार प्रति महिना भारु एक सय ९९ रुपैयाँमा ‘मोबाइल ओन्ली’ प्लान प्रयाेग गर्न सकिन्छ ।
सेक्रेड गेम, चपस्टिक, लस्ट स्टोरिज जस्ता चचिर्त हिन्दी ओरिजिनल सिरिज निर्माण गरिसकेकाे नेटफ्लिक्सले अमेरिकामा हजारौँ सब्सक्राइबर गुमाइसकेको छ ।
त्यसैले नेटफ्लिक्सकाे भारत लक्षित याेजना आउनुले उ आफ्नो आर्थिक अवस्था सुधार गर्न चाहन्छ भन्ने तर्कमा बल पुर्याउँछ । नयाँ र माैलक सामग्रीकाे ठूलाे खपत हुने बजारका रूपमा भारतलाई परिभाषित गरेकाे नेटफ्लिक्सले त्यस्ता क्षेत्रमा पकड बनाउन चाहन्छ जहाँ उच्च गतिकाे ब्राेडब्यान्ड इन्टरनेट र केबल टिभी छैन तर सबैकाे हातमा स्मार्टफाेन छ ।
त्यसका लागि नेटफ्लिक्सले स्थान पहिचान गरिसकेकाे बताइएकाे छ । धेरै सम्भावना र अधिक जनसङ्ख्या भए पनि छनाेट गरिएका क्षेत्रका मानिस नेटफ्लिक्सकाे सब्सक्राइबर बन्छन् कि बन्दैनन भन्ने ठूलाे चुनाैती छ ।
त्यसबाहेक भारतीय दुई ठूला ओटीटी प्लेटफर्म हटस्टार र अमेजोन प्राइम टाउकाे दुखाइ बन्न सक्छन् ।
