fgfgfgfg अमेरिकामा कोरोना भाइरसको सङ्क्रमणका कारण अस्पताल भर्ना हुने मानिसहरूको सङ्ख्यामा रेकर्ड स्तरको वृद्धि भएको छ ।
कोरोना भाइरसको डेल्टापछि ओमिक्रोन भेरिएन्टका कारण पछिल्लो तीन हप्तामा अस्पताल भर्ना हुने मानिसको सङ्ख्या दोब्बर भएको छ ।
सङ्क्रमणका कारण यतिबेला अमेरिकामा एक लाख ३२ हजार ६ सय ४६ सङ्क्रमित अस्पताल भर्ना छन् । अघिल्लो वर्ष जनवरी महिनामा एक लाख ३२ हजार ५१ जना मात्रै भर्ना भएको जनाइएको छ ।
सन् २०२१ को डिसेम्बरदे महिनादेखि अस्पताल भर्ना हुनेको सङ्ख्या बढ्दै गइरहेको छ । डेलावेयर, इलिनोयस, मेन, मेरील्याण्ड, मञ्जुरी, ओहायो, पेन्सिल्वेनिया, प्युर्टो रिको, भर्जिनिया, वासिङ्टन डिसी र विस्कन्सिनमा कोभिड–१९ का बिरामी रेकर्ड रुपमा अस्पताल भर्ना भइरहेका छन् ।
