ओमिक्रोन संक्रमणको कारण भारतमा एक जनाको ज्यान गएको छ ।
राजस्थान राज्यको ७४ वर्षीय पुरुषको ओमिक्रोन संक्रमणकै कारण मृत्यु भएको भारतको केन्द्रीय स्वास्थ्य मन्त्रालयले जनाएको छ ।
अधिकारीहरुका अनुसार मृत्यु भएका ती व्यक्ति मधुमेह लगायतका अन्य स्वास्थ्य समस्याबाट पीडित थिए ।
पछिल्लो २४ घण्टामा भारतमा कोरोना संक्रमणका कारण तीन सय २५ जनाको मृत्यु भएको छ । तर मृत्यु हुनेमा एक जनामात्रै ओमिक्राने संक्रमित रहेको स्वास्थ्य मन्त्रालयले बताएको छ ।
१२ डिसेम्बरमा केरलामा ओमिक्रोन संक्रमित देखिए यता भारतमा ओमिक्रोन संक्रमित हुनेको संख्या २ हजार ६ सय ३० पुगेको छ ।
