रेस्टुरेन्टको काम राेक्न बतास समूहलाई नारायणहिटी दरबार संग्रहालय तथा गणतन्त्र स्मारक व्यवस्थापन तथा सञ्चालन समितिले परिपत्र गरेकाे छ ।
संस्कृति, पर्यटन तथा नागरिक उड्डयनमन्त्री प्रेमबहादुर आलेले मौखिक निर्देशन दिएलगत्तै समितिले बतास अर्गनाइजेसन अन्तर्गतको बी म्यानेजमेन्ट प्रालिलाई काम राेक्ने व्यहाेरासहितकाे पत्र पठाएकाे हाे ।
पत्रमा भनिएको छ,’सञ्चारमाध्यमहरूमा आएका समाचारका कारण विवाद सिर्जना हुन गएकाले संस्कृति, पर्यटन तथा नागरिक उड्डयन मन्त्रालयको मौखिक आदेशबमोजिम अर्को आदेश नभएसम्मका लागि निर्माण कार्य रोक्न हुन जानकारी गराइन्छ ।’
