यस्ता उपकरणको प्रयोग गर्दा सावधानी नअपनाएको खण्डमा यसले अप्रिय घटनाहरू समेत निम्त्याउने गरेका छन् । देशभरि निसास्सिएर मृत्यु भएका समाचार आइरहेका बेला स्वास्थ्य तथा जनसङ्ख्या मन्त्रालयले आगो ताप्दा, हिटर बाल्दा र गिजरको प्रयोग गर्ने काममा सावधानी अपनाउन सर्वसाधारणलाई आग्रह गरेको छ ।
पर्याप्त हावा आवतजावत हुने ठाउँमा मात्र हिटर बाल्न र गिजर प्रयोग गर्न मन्त्रालयले अनुरोध गरेको हो । कोइलाजन्य स्रोतबाट सकेसम्म आगो नताप्ने, आगो वा हिटर ताप्दा कागज, कपडाजस्ता छिटो जल्ने सामग्री नजिक नराख्ने र आगो तापिसकेपछि पूर्ण रूपमा निभाउन मन्त्रालयले सुझाएको छ ।
यसैगरी हिटरलाई समय समयमा बन्द गर्ने, सुत्नुअघि हिटर निभाउने, गिजर खोलेर लामो समय बाथरुममा नबस्ने र गिजरको मुख्य मेसिनलाई बाथरुम बाहिरा खुला ठाउँमा जडान गर्न मन्त्रालयले सर्वसाधारणलाईअपिल गरेको हो ।
