विराटनगर । बुढीगण्डकी नदीमा आएको आकस्मिक बाढीले गोरखा र धादिङ जोड्ने पुलसहित दुईवटा महत्वपूर्ण पुलमा ठूलो क्षति पुर्याएको छ।
सडक विभागका अनुसार बाढीले सोती खोला र आरुघाट पुलमा क्षति पुर्याएको हो।
गोरखाको आरुघाट गाउँपालिका–२ र ३ जोड्ने सोती खोलाको ट्रस पुल बाढीले पूर्ण रूपमा बगाएको छ।
त्यस्तै, गोरखा र धादिङ जोड्ने आरुघाट पुलको २५ मिटर आरसीसी संरचनामध्ये २२ मिटर बाढीले बगाएको छ।
पुलको ट्रस भाग भने जोगिएको छ।सडक विभागका अनुसार ट्रस भाग बाँकी रहेकाले त्यसमा बेलिब्रिज राखेर पुनः यातायात सञ्चालन गर्न सकिन्छ कि भन्नेबारे सम्भाव्यता अध्ययन भइरहेको छ।
