गोल्छा च्यारिटी ट्रस्टद्वारा विपद् उद्धार कोषमा १ करोड ११ लाख सहयोग

काठमाडौं । गोल्छा च्यारिटी ट्रस्टले प्रधानमन्त्री दैवी प्रकोप उद्धार कोषमा १ करोड ११ लाख रुपैयाँ सहयोग गरेको छ।

मुलुकमा आइपरेको विषम परिस्थितिप्रति ऐक्यबद्धता जनाउँदै गोल्छा परिवारले आफ्नो परोपकारी संस्था श्री रामलालजी ढापीदेवी गोल्छा च्यारिटी ट्रस्टमार्फत भदौ २२ गते उक्त रकम प्रधानमन्त्री दैवी प्रकोप उद्धार कोषमा जम्मा गरेको हो।

ट्रस्टले उक्त सहयोग रकम देशका विभिन्न भागमा हालै आएको बाढी तथा पहिरोबाट गम्भीर रूपमा प्रभावित समुदायका लागि सरकारले सञ्चालन गर्ने आपत्कालीन उद्धार, राहत, पुनःस्थापना तथा पुनर्निर्माण कार्यमा उपयोग हुने विश्वास व्यक्त गरेको छ।

विपद्का कारण प्रभावित सम्पूर्ण परिवारप्रति गहिरो सहानुभूति व्यक्त गर्दै ट्रस्टले संकटको यस घडीमा राष्ट्र र नागरिकको साथमा उभिने प्रतिबद्धता जनाएको छ।