विराटनगर । बागमती प्रदेशका मुख्यमन्त्री इन्द्र बानियाँले मन्त्रालयको संख्या १४ बाट घटाएर ८ मा सीमित गरेका छन्।
मन्त्रालय घटाइए पनि मन्त्रीको संख्या भने १४ नै कायम राखिएको छ। विभाग घटाइएपछि ६ जना मन्त्रीलाई बिना विभागीय बनाइएको छ।
बिना विभागीय मन्त्री बन्नेमा किरण थापा मगर, उर्मिला नेपाल, भरतबहादुर केसी, सुरेश श्रेष्ठ, जयराम थापा र बिनुकुमारी रायमाझी पौडेल रहेका छन्।
कांग्रेसले सबै प्रदेशमा एमालेसँगको सत्ता सहकार्य अन्त्य गर्ने निर्णय गरेपछि बागमतीमा पनि राजनीतिक समीकरण फेरिने संकेत देखिएको छ।
नयाँ सत्ता समीकरणबारे कांग्रेस, एमाले र नेकपाबीच छलफल जारी रहेको जनाइएको छ।
