विराटनगर ।ललितपुरको जावलाखेलस्थित सदर चिडियाखानामा बर्डफ्लुको सङ्क्रमण पुष्टि भएपछि चिडियाखाना आजदेखि अनिश्चितकालका लागि बन्द गरिएको छ।
संक्रमण नियन्त्रणका लागि अर्को सूचना नआएसम्म चिडियाखाना पूर्ण रूपमा बन्द रहने प्रशासनले जनाएको छ।
राष्ट्रिय प्रकृति संरक्षण कोष अन्तर्गत रहेको चिडियाखाना प्रशासनले सार्वजनिक सूचना जारी गर्दै संक्रमण थप फैलिन नदिन तथा आगन्तुकहरूको सुरक्षा सुनिश्चित गर्न आजदेखि लागू हुने गरी चिडियाखानाका सम्पूर्ण गतिविधि स्थगित गरिएको छ।
