विराटनगर । दाङको तुलसीपुरमा एक युवतीलाई खुकुरी देखाएर निर्घात कुटपिट गरेको भिडियो सामाजिक सञ्जालमा राख्ने एक युवक पक्राउ परेका छन्।
इलाका प्रहरी कार्यालय तुलसीपुरले तुलसीपुर उपमहानगरपालिका–२ भमके निवासी २४ वर्षीय रमेश ठाडा मगरलाई पक्राउ गरेको हो।
रमेशले करिब तीन महिनाअघि एक युवतीलाई जंगल क्षेत्रमा लगेर खुकुरी देखाई डर–धम्की दिँदै कुटपिट गरेका थिए।
सो घटनाको भिडियो उनले मंगलबार राति आफ्नै फेसबुक आइडीमार्फत सार्वजनिक गरेका थिए।
उक्त भिडियो सामाजिक सञ्जालमा भाइरल भएपछि प्रहरीले तत्काल एक्सन लिएको थियो।
