विराटनगर । दक्षिण कोरियाको प्रविधि क्षेत्रमा विश्वस्तरीय प्रभाव राख्ने कम्पनी सामसुङ इलेक्ट्रोनिक्समा तलबसम्बन्धी वार्ता असफल भएपछि हडतालको सम्भावना बढेको छ ।
व्यवस्थापन र युनियनबीच बुधबार भएको अन्तिम चरणको वार्ता निष्कर्षविहीन बनेपछि चिप तथा इलेक्ट्रोनिक्स उत्पादन प्रभावित हुने चिन्ता बढेको हो ।
करिब ७४ हजार कामदारको प्रतिनिधित्व गर्ने युनियनले माग पूरा नभए बिहीबारदेखि १८ दिनसम्म हडताल गर्ने चेतावनी दिएको छ ।
सरकारले पनि सम्भावित हडतालले देशको निर्यात–निर्भर अर्थतन्त्रमा असर पार्न सक्ने भन्दै सम्झौताका लागि आपतकालीन अधिकार प्रयोग गर्न सकिने जनाएको छ ।
