काठमाडौँ उपत्यका ट्राफिक प्रहरी कार्यालयका अनुसार कारबाहीबाट राज्यकोषमा चार लाख १७ हजार रुपैयाँ राजस्व संकलन भएको छ ।
कारबाहीमा पर्नेमा मादक पदार्थ सेवन गरेर सवारी चलाउने ५९ जना, नियमविपरीत ‘राइड सेयरिङ’ गर्ने ११९ जना, ट्राफिक बत्ती उल्लङ्घन गर्ने १३२ जना तथा तीव्र गतिमा सवारी चलाउने २०८ जना रहेका छन् ।
यस्तै, लेन अनुशासन पालना नगर्ने ५७ जना, निषेधित क्षेत्रमा हर्न बजाउने ९४ जना, सडक पेटीमा सवारी पार्किङ गर्ने ९५ जना, एकतर्फी सडकमा सवारी चलाउने १२६ जना तथा अन्य ट्राफिक नियम उल्लङ्घन गर्ने एक हजार १३९ जनालाई पनि कारबाही गरिएको प्रहरीले जनाएको छ ।
