विराटनगर । चालु आर्थिक वर्ष २०८-२८३ को चैत मसान्तसम्म मेची भन्सार कार्यालयले १३ अर्ब १४ करोड ४५ लाख ८१ हजार राजश्व संकलन गरेको छ ।
उक्त रकम चालु आवका लागि निर्धारण गरिएको लक्ष्यको ६९.८३ प्रतिशत हो।
कार्यालयका सूचना अधिकारी ईश्वरकुमार हुमागाईंका अनुसार चालु आवमा १८ अर्ब ८७ करोड ७४ लाख ८३ हजार राजश्व संकलन गर्ने लक्ष्य राखिएको छ।
चैत महिनामा मात्रै एक अर्ब ६० करोड ६८ लाख ४७ हजार राजश्व संकलन भएको छ। उक्त संकलन चैत महिनाको लक्ष्यको ९४ .६९ प्रतिशत हो।
चालु आवको साउन महिनामा एक अर्ब २६ करोड ५० लाख ७९ हजार, भदौमा एक अर्ब ३६ करोड ४४ लाख ३९ हजार, असोजमा एक अर्ब ५२ करोड २४ लाख ९१ हजार र कात्तिकमा एक अर्ब ३० करोड ८१ लाख ८९ हजार राजश्व संकलन भएको कार्यालयको तथ्यांकमा उल्लेख छ ।
