काठमाडौं – व्यवसायी शेखर गोल्छालाई नेपाल प्रहरी अन्तर्गतको केन्द्रीय अनुसन्धान ब्यूरो (सीआईबी) ले पक्राउ गरेको छ।सीआईबीका प्रवक्ता शिवकुमार श्रेष्ठले गोल्छा पक्राउ भएको पुष्टि गरेका छन्।
नेपाल धितोपत्र बोर्डले तयार पारेको ‘दीपक भट्टले गरेको धितोपत्र कारोबारसम्बन्धी प्रारम्भिक जाँचबुझ तथा सुपरीवेक्षण प्रतिवेदन २०८३’ मा गोल्छाको नाम समेत उल्लेख गरिएको थियो। सोही विषयमा थप अनुसन्धान गर्न उनलाई पक्राउ गरिएको हो।
प्रतिवेदनमा उनलाई कथित रूपमा कसुर गर्न सहयोग गर्ने व्यक्तिको सूचीमा राखिएको उल्लेख छ।यसअघि उनी नेपाल उद्योग वाणिज्य महासंघका पूर्वअध्यक्ष समेत रहेका थिए। हाल पक्राउपछि घटनाबारे थप अनुसन्धान भइरहेको सीआईबीले जनाएको छ।
