काठमाडौं – संघीय संसद सचिवालयको आह्वानमा आज प्रतिनिधिसभामा प्रतिनिधित्व गर्ने दलहरूको सर्वदलीय बैठक बस्दैछ। बैठक बिहान ११ बजे संसद सचिवालयमा बस्ने तय गरिएको छ।
बैठकमा आज दिउँसो बस्ने प्रतिनिधिसभा बैठकका लागि प्रस्तुत गरिने कार्यसूचीलाई अन्तिम रूप दिने तथा सदनको कामलाई थप प्रभावकारी बनाउने विषयमा छलफल हुने जनाइएको छ।
सचिवालयका प्रवक्ता एकराम गिरीका अनुसार, कार्यव्यवस्था परामर्श समिति गठन गर्ने विषयमा पनि बैठकमा छलफल हुनेछ।
प्रतिनिधिसभा बैठक दिउँसो १ बजेका लागि बोलाइएको छ। सम्भावित कार्यसूचीअनुसार सुधन गुरुङले ‘मतदाता नामावली (पहिलो संशोधन) अध्यादेश, २०८२’, ‘प्रतिनिधिसभा सदस्य निर्वाचन (पहिलो संशोधन) अध्यादेश, २०८२’ र ‘नेपाल विशेष सेवा (दोस्रो संशोधन) अध्यादेश, २०८२’ स्वीकृत गरियोस् भन्ने प्रस्ताव पेस गर्नेछन्।
बैठकले आगामी संसदीय कार्यसूची र विधेयक पारित प्रक्रियामा महत्वपूर्ण प्रभाव पार्ने अपेक्षा गरिएको छ।
