काठमाडौँ, ९ असार :
सांसदले उठाएका प्रश्नको जवाफ दिँदै मन्त्री अर्याल
सङ्घीय संसद भवन नयाँ बानेश्वरमा आइतबार बसेको प्रतिनिधि सभा बैठकमा सांसदले उठाएका प्रश्नको जवाफ दिँदै श्रम,रोजगार तथा सामाजिक सुरक्षामन्त्री डोलप्रसाद अर्याल। तस्बिर : चन्द्रकला क्षेत्री/रासस काठमाडौं । प्रतिनिधिसभाको सभामुख पदका लागि आज उम्मेदवारी दर्ता हुँदैछ भने निर्वाचन चैत २२ गते गर्ने तालिका तय गरिएको छ। संघीय संसद सचिवालयका अनुसार आज बिहान ११ बजेदेखि दिउँसो २ बजेसम्म उम्मेदवारी दर्ता गरिनेछ र साढे २ बजे उम्मेदवारको अन्तिम सूची प्रकाशित हुनेछ।
चैत २२ गते बस्ने प्रतिनिधिसभा बैठकमा सभामुख निर्वाचित गरियोस् भन्ने प्रस्ताव पेश गरिनेछ, जसमा प्रस्तावक र समर्थकले समर्थन गर्नेछन्। त्यसपछि उम्मेदवारबारे छलफल भई निर्णयार्थ प्रस्तुत गरिने कार्यसूची छ।
राष्ट्रिय स्वतन्त्र पार्टी (रास्वपा) ले सभामुख पदका लागि पार्टी उपसभापति डोलप्रसाद अर्याललाई उम्मेदवार बनाउने निर्णय गरिसकेको छ। प्रतिनिधिसभामा रास्वपा १८२ सिटसहित सबैभन्दा ठूलो दल भएकाले अर्याल सभामुख बन्ने लगभग निश्चित देखिएको छ।
हाल सभामुख पद रिक्त रहेकाले प्रतिनिधिसभाका ज्येष्ठ सदस्य अर्जुननरसिंह केसीले बैठकको अध्यक्षता गर्दै आएका छन्।
सभामुख निर्वाचनपछि चैत २३ गते राष्ट्रिय सभा उपाध्यक्ष पदका लागि निर्वाचन हुनेछ भने त्यसका लागि चैत २२ गते उम्मेदवारी दर्ता गरिनेछ। यसअघि उपाध्यक्ष विमला घिमिरेको कार्यकाल फागुन २० गते सकिएपछि उक्त पद हाल रिक्त रहेको छ।
