काठमाडौं – प्रधानमन्त्री बालेन्द्र शाहले सुदूरपश्चिम प्रदेशका प्रत्यक्ष निर्वाचित सांसदहरूसँग छलफल गरिरहेका छन्।
प्रधानमन्त्री तथा मन्त्रिपरिषद्को कार्यालय, सिंहदरबारमा आज बिहान ११ बजेदेखि छलफल जारी रहेको जनाइएको छ।
प्रधानमन्त्री कार्यालयका अनुसार सुदूरपश्चिमका समस्या, विकासका आवश्यकता तथा स्थानीय माग बुझ्नका लागि उक्त भेटघाट गरिएको हो।
यसअघि प्रधानमन्त्री शाहले कर्णाली र कोशी प्रदेशका सांसदहरूसँग पनि छुट्टाछुट्टै छलफल गरिसकेका छन्।
