काठमाडौं — नेपाली बजारमा आज सुनको भाउ तोलामा ३ हजार रुपैयाँले घटेको छ।
नेपाल सुनचाँदी व्यवसायी महासंघ का अनुसार शुक्रबार छापावाल सुनको मूल्य तोलाको ३ लाख ३ हजार ५ सय रुपैयाँ कायम भएको छ। बिहीबार सुन तोलाको ३ लाख ६ हजार ५ सय रुपैयाँमा कारोबार भएको थियो।
यसअघि बुधबार ३ लाख ६ हजार ६ सय, मंगलबार ३ लाख ५ हजार ५ सय र सोमबार ३ लाख ४ हजार ४ सय रुपैयाँमा सुन कारोबार भएको महासंघले जनाएको छ।
यता, चाँदीको भाउ भने आज बढेको छ। तोलामा ५० रुपैयाँ वृद्धि हुँदै चाँदीको मूल्य ५ हजार ३ सय ४० रुपैयाँ पुगेको छ।
