वीरगञ्ज – चालु आर्थिक वर्षको पहिलो छ महिनामा वीरगञ्ज नाका हुँदै रु ९० अर्ब ६ करोड मूल्य बराबरको पेट्रोलियम पदार्थ आयात भएको छ, जुन गत आवको सोही अवधिको तुलनामा रु २ अर्ब ७५ करोड बढी हो। चालु आवको छ महिनामा पेट्रोलियम पदार्थ आयातबाट रु ३७ अर्ब ८५ करोड राजस्व सङ्कलन भएको छ, जुन गत आवको सोही अवधिको ३६ अर्ब १४ करोडभन्दा उल्लेखनीय वृद्धि हो।
विवरणअनुसार, चालु आवको छ महिनामा डिजेलको आयात रु ४५ अर्ब ३८ करोड मूल्य बराबर हुँदा सोबाट १९ अर्ब ८५ करोड राजस्व सङ्कलन भएको छ, पेट्रोलको आयात रु २० अर्ब ९८ करोडमा १३ अर्ब ८२ करोड राजस्व सङ्कलन भएको छ भने एलपीजी ग्यासको आयात रु १४ अर्ब ७९ करोडमा २ अर्ब ७७ करोड राजस्व सङ्कलन भएको छ।
भन्सार कार्यालयका अनुसार गत आवको छ महिनामा रु ८७ अर्ब ३१ करोड मूल्यको पेट्रोलियम पदार्थ आयात भएको थियो र सोबाट ३६ अर्ब १४ करोड राजस्व सङ्कलन भएको थियो। यस तथ्याङ्कले चालु आवको पहिलो छ महिनामा पेट्रोलियम आयात र त्यसबाट प्राप्त राजस्व दुवैमा वृद्धि भएको देखाउँछ।
