विराटनगर । विराटनगर महानगरपलिका-१० सन्सारी माइस्थान मन्दिरनजिकै रहेको आरागन होटेल स्कुल तथा कोशी विद्या मन्दिरको प्लस टु होटेल म्यानेजमेन्टले एकैदिन विद्यार्थीको बिदाइ तथा स्वागत् कार्यक्रमको आयोजना गरेको छ ।
उक्त स्कुलले आइतबार एकै दिन कलेजका विद्यार्थीलाई बिदाइ गर्दै कलेजमा भर्ना भएका नयाँ विद्यार्थीलाई स्वागत् गरेको हो ।
आरागनको एडिएचएम र कक्षा १२ मा अध्ययनरत ४ सय ५० जना विद्यार्थीलाई बिदाइ गरेको छ । सोही अवसरमा कलेजमा विभिन्न विधामा उत्कृष्ट हुने विद्यार्थीलाई सम्मानसमेत गरिएको छ ।
सोही अवसर पारेर कलेजमा भर्ना भएका दुई सय विद्यार्थीहरूलाई स्वागत गर्दै कलेजको बारेमा बताइएको थियो ।
उनीहरूलाई प्रमुख अतिथि प्याब्सन मोरङका अध्यक्ष जगत बस्नेत, कलेजका प्रशासकीय प्रमुख सुरेशविक्रम कुवँर, हेड अफ सेन्टर रोशन शर्मा पन्थी र कार्यक्रम संयोजन शैलेन्द्र वर्मालगायतले शुभकामना दिए ।
कलेजका निर्देशक अमित महतोको सभापतित्वमा भएको कार्यक्रममा उपस्थित अथिति, अभिभावक तथा विद्यार्थीहरूलाई कलेजमा अध्ययनरत विद्यार्थीले नृत्य तथा गायनलगायत विभिन्न कार्यक्रम गरी मनोरञ्जन दिलाएका थिए ।
