विराटनगर । वेस्ट इन्डिजका विश्वप्रख्यात क्रिकेटर ब्रायन लारा नेपाल प्रिमियर लिग (एनपिएल) हेर्न नेपाल आउने भएका छन् ।
नेपाल क्रिकेट संघ (क्यान) ले महान क्रिकेटर लारा एनपिएल हेर्न नेपाल आउन लागेको जानकारी दिएको हो ।
तथापि, क्यानले लारा नेपाल आउने समय भने खुलाएको छैन । लारा एक टेस्टमा चार सय रन प्रहार गर्ने एक मात्र ब्याट्सम्यान हुन् ।
उनले वेस्टइन्डिजका लागि एक सय ३१ टेस्ट खेल्दै ३४ शतक र ४८ अर्धशतकसहित ११ हजार नौ सय ५३ रन बनाएका छन् ।
यस्तै उनले दुई सय ९९ एकदिवसीय अन्तर्राष्ट्रिय खेलमा १९ शतक र ६३ अर्धशतक हान्दै १० हजार चार सय ५ रन बनाएका छन् ।
