विराटनगर । भारतीय प्रधानमन्त्री नरेन्द्र मोदीले नेकपा माओवादी केन्द्रका अध्यक्ष एवम् पूर्वप्रधानमन्त्री पुष्पकमल दाहाल ‘प्रचण्ड’की नातिनी स्मिता दाहालको विवाहको उपलक्ष्यमा बधाई सन्देश दिएका छन् ।
प्रधानमन्त्रीको लेटरप्याडमै दिइएको बधाई स्मिताकी आमा एवं प्रचण्डकी छोरी गंगा दाहालले सोमबार सामाजिक सञ्जालमा सेयर गरेकी छन् ।
गंगालाई सम्बोधन गरी मोदीले स्मिता र बेहुला सायुज्य श्रेष्ठलाई वैवाहिक बन्धनमा बाँधिएकोमा बधाइ दिँदै सफल दाम्पत्य जीवनको लागि शुभकामना दिएका छन्।
गंगालाई सम्बोधन गरी मोदीले स्मिता र बेहुला सायुज्य श्रेष्ठलाई वैवाहिक बन्धनमा बाँधिएकोमा बधाइ दिँदै सफल दाम्पत्य जीवनको लागि शुभकामना दिएका छन् ।
मोदीले आफूलाई विवाहउत्सवमा निम्ता गरिएकामा उनले आभार व्यक्त गरेका छन् । साथै, उनले आफ्नो बधाइ सन्देश प्रचण्डसम्म पुर्याइदिन पनि आग्रह गरेका छन् ।
