फाइल फोटो विराटनगर । मोरङको विराटनगर महानगरपालिकामा स्कुटरलाई मोटरसाइकलले ठक्कर दिँदा एक महिला घाइते भएकी छन् ।
शनिबार राति ८:१० बजेतिर विराटनगर-४ कञ्चनबारी चोकमा रोकिराखेको स्कुटरलाई मोटरसाइकलले पछाडिबाट ठक्कर दिएको थियो ।
प्र.१-०२-०४३ प ७७८४ नम्बरको स्कुटरलाई रोकिरहेको अवस्था दक्षिणबाट उत्तरतर्फ आउँदै गरेको को ३२ प.८३४१ नम्बरको मोटरसाइकलले पछाडिबाट ठक्कर दिएको हो ।
उक्त दुर्घटनामा स्कुटरमा पछाडि सवार बुढीगंगा गाउँपालिका-२ बस्ने ४८ वर्षीय मुना खड्का कार्की घाइते भएकी हुन् ।
उनको उपचारको लागि आर्या न्युरो अस्पताल विराटनगरमा उपचार भइरहेको छ । स्कुटर र मोटरसाइकल प्रहरी चौकी बरगाछिको नियन्त्रणमा रहेको छ ।
प्रहरीले मोटरसाइकल चालक सुनसरीको धरान उपमहानगरपालिका-१४ बस्ने १५ वर्षी १५ को इन्सुहाङ लिम्बुलाई पक्राउ गरेको छ ।
उनी जिल्ला प्रहरी कार्यालय मोरङको नियन्त्रणमा छन् । स्कुटर चालक बुढीगंगा गाउँपालिका-२ बस्ने ५० वर्षीय बिनोद कार्की उपचारमा संलग्न छन् ।
मोटरसाइकल चालक बालकले मादक पदार्थ सेवन गरेर सवारी चलाउँदा दुर्घटना भएको प्रहरीले जनाएको छ ।
