विराटनगर । नेपाल क्रिकेट फाउन्डेसन र क्रिकेट विथआउट बाउन्ड्रीको सहयोगमा विराटनगरमा जारी दोस्रो संस्करणको विराटनगर हब अन्तर विद्यालय महिला क्रिकेट प्रतियोगितामा लगातार ४ खेलमा विजयी हुँदै सरस्वती स्कुल र बालिका स्कुल फाइनलमा प्रवेश गरेको छ ।
विराटनगर ६ स्थित ज्वाला क्रिकेट मैदानमा शुक्रबार भएको खेलमा सरस्वती, बालिका, सत्यनारायण स्कुल विजयी भए ।
पहिलो खेलमा महेन्द्र स्कुललाई सरस्वती स्कुलले ६४ रनले पराजित गर्यो ।
दोस्रो खेलमा बालिका स्कुलले आर्दश स्कुललाई ३५ रनले पराजित गर्दा तेस्रो खेलमा सत्यनारायण स्कुलले मिल्स स्कुललाई ३९ रनले हरायो ।
चौथो खेलमा महेन्द्र स्कुललाई बालिका स्कुलले ५ विकेटले पराजित गरेको छ भने पाँचौं खेलमा सरस्वती स्कुलले सत्यनारायण स्कुलमाथि ८ विकेटको जित दर्ता गर्यो ।
यस्तै, छैटौं खेलमा मिल्स स्कुलले आर्दश स्कुललाई ६ रनले पराजित गर्यो ।
