समुदायमा ठगी र असुरक्षाको वातावरण सिर्जना भएको भन्दै इजाजत नभएका व्यापार, व्यवसाय र आर्थिक गतिविधि सञ्चानलाई गर्नेलाई गृहमन्त्रालयले चेतावनी दिएको छ ।
नेपालमा व्यापार, व्यवसाय र आर्थिक गतिविधिमा सहभागी हुने जोकोहीले इजाजत लिएको हुनुपर्ने बताउँदै गृहमन्त्रालयले शुक्रबार (हिजो) विज्ञप्ति जारी गरेको छ ।
‘नेटवर्किङ व्यवसाय, अनलाइन व्यवसाय, अनलाइन बैकिङ्ग, अनलाइन सहकारी, अनलाइन बीमा, अनलाइन गेमिङ, घुम्ती बैकिङ्ग, नेटवर्किङ्ग वा यस्तै प्रकृतिका अन्य नाममा व्यवसायीक क्रियाकलाप गैर कानूनी तवरले फस्टाउँदै गएको छ’ विज्ञप्तिमा लेखिएको छ, ‘यस्ता गतिविधिमा इजाजत प्राप्त बाहेकका जुनसुकै गतिविधिहरुको निगरानी गर्ने, नियन्त्रण गर्ने र गैरकानुनी कार्य गरको पाइएमा कानूनी कारबाही हुनेछ ।’
