FILE PHOTO: 3D-printed toy figurines, a syringe and a vial labelled "coronavirus disease (COVID-19) vaccine" are seen in front of India flag in this illustration taken May 4, 2021. REUTERS/Dado Ruvic/Illustration/File Photo भारतले कोरोना भाइरसविरुद्धको दुई नयाँ खोपलाई अनुमति दिएको छ ।
सीरम इन्स्टिच्युट अफ इन्डियाद्वारा निर्मित कोभोभ्याक्स र बायोलोजिकल ईले बनाएको कोर्बेभ्याक्सलाई आपत्कालीन प्रयोगका लागि अनुमति दिएको हो ।
अमेरिकी कम्पनी डाइनाभ्याक्स र बेलर कलेज अफ मेडीसीनसँग मिलेर विकास गरिएको कोर्बेभ्याक्सले शरीरमा रोगप्रतिरोधी क्षमतालाई सक्रिय बनाउँछ । नोभाभ्याक्सको स्थानीय नाम रहेको कोभोभ्याक्स अमेरिकाको परीक्षणमा ९० प्रतिशतभन्दा बढी प्रभावकारी देखिएको छ ।
नयाँ अनुमति दिइएका खोपहरू बुस्टर मात्राका रूपमा लगाइन्छ वा खोपकै रुपमा लगाइन्छ भन्ने स्पष्ट गराइएको छैन । भारतले हालसम्म आठवटा कोभिड खोपलाई अनुमति दिएको छ जसमध्ये तीन भारतमै निर्मित हुन् ।
भारतमा अनुमति दिइएका खोपमध्ये कोभिशील्ड, कोभ्याक्सिन र स्पुत्निक भी मात्रै भारतले प्रयोग गरिरहेको छ ।
तीन वटा खोप प्रयोग गरे पनि ९० प्रतिशतभन्दा बढी खोप कोभिशील्ड प्रयोग भएको जनाइएको छ । भारतमा अन्य दुई खोप पनि परीक्षणको विभिन्न चरणमा छन् ।
