विराटनगर ।प्रधानमन्त्री बालेन्द्र शाहले विपद् प्रभावित क्षेत्रमा उद्धार तथा राहतका लागि राज्यका सम्पूर्ण संयन्त्र परिचालन गरिएको बताएका छन्।
फेसबुकमार्फत सम्बोधन गर्दै प्रधानमन्त्री शाहले बिहान ६ः३० बजेदेखि उद्धार उडान सुरु भएको र हालसम्म १५ भन्दा बढी उडान सम्पन्न भएको जानकारी दिएका छन्।
थप हेलिकोप्टरसमेत तयारी अवस्थामा राखिएको उनले बताएका छन्।नेपाली सेनाले रसुवाको टिमुरेबाट ९५ नेपाली र २१ भारतीय गरी ११६ जनाको तथा टनेलबाट थप ७ नेपाली नागरिकको सकुशल उद्धार गरेको शाहले जानकारी दिएका छन्।
प्रभावित क्षेत्रमा राहत सामग्री, मेडिकल उपकरण, जेनेरेटर, टेन्ट तथा मोबाइल नेटवर्कका लागि आवश्यक सामग्री पठाउने काम भइरहेको छ।
उद्धारका क्रममा सिकिस्त, वृद्ध, महिला र बालबालिकालाई प्राथमिकता दिइने जनाउँदै प्रधानमन्त्री शाहले सबैलाई धैर्य र संयम राख्न आग्रह गरेका छन्।
