विराटनगर । जारी फिफा विश्वकप २०२६ को पहिलो सेमिफाइनलमा बुधबार दुई युरोपेली फुटबलका महारथी फ्रान्स र स्पेन आमनेसामने हुँदैछन्।
टेक्ससको अर्लिङटनस्थित डलास स्टेडियम राति १२:४५ मा हुने यो खेललाई प्रतियोगिताकै सबैभन्दा प्रतिक्षित भिडन्तका रूपमा हेरिएको छ।
यस खेलमा विश्व फुटबलका दुई स्टार किलियन एम्बाप्पे र लामिन यामालबीचको प्रतिस्पर्धा पनि विशेष आकर्षण रहनेछ।
क्वाटरफाइनलमा फ्रान्सले मोरक्कोलाई २–० ले पराजित गर्दै अन्तिम चारमा स्थान बनाएको थियो भने स्पेनले बेल्जियमलाई २–१ ले हराएर सेमिफाइनल यात्रा तय गरेको हो।
विश्वकप इतिहासमा फ्रान्स र स्पेनबीच यसअघि केवल एक पटक, सन् २००६ को प्रि-क्वाटरफाइनलमा भेट भएको थियो।
उक्त खेलमा जिनेदिन जिदानको कप्तानीमा रहेको फ्रान्सले स्पेनलाई ३–१ ले पराजित गरेको थियो। हालका वर्षहरूमा भने दुवै टोलीबीच प्रतिस्पर्धा निकै रोचक रहँदै आएको छ।
फ्रान्सले सन् २०२४ को युरो कपको सेमिफाइनलमा स्पेनलाई २-१ ले पराजित गरेको थियो । त्यसपछि सन् २०२५ को नेसन्स लिगमा पनि फ्रान्सले स्पेनलाई ५-४ ले हराएको थियो ।
