विराटनगर । नेपाली कांग्रेसका नेता डा. शशांक कोइरालाले पार्टी व्यवहारिक रूपमा फुटिसकेको बताएका छन् ।
विराटनगरमा नेपाली कांग्रेसको संस्थापनइतर समूहको भेलामा उनले सर्वोच्च र निर्वाचन आयोगका कारण कांग्रेस व्यवहारिक रूपमा विभाजनको अवस्थामा पुगेको बताएका हुन् ।
उनले भने, ‘लामो संघर्ष र ठुलो बलिदानबाट बनेको कांग्रेस अहिले टुक्रिएको अवस्थामा पुग्नु पीडादायी छ । यो पार्टी आफैँ नटुक्रिएको बरु यसलाई टुक्र्याइएको छ ।’
उनले सर्वोच्च अदालत र निर्वाचन आयोगको गलत निर्णयका कारण पार्टी आज यो विभाजनको अवस्थामा आइपुगेको आरोप लगाए।
