विराटनगर । काठमाडौँको खिचापोखरीबाट ठूलो परिमाणमा भेप सहित एक जना पक्राउ परेका छन्।
काठमाडौँ उपत्यका अपराध अनुसन्धान कार्यालयको टोलीले विभिन्न कम्पनीका करिब ६ करोड मूल्य बराबरका २८ हजार ५०० वटा अवैध भेप बरामद गरेको हो ।
ललितपुरको महालक्ष्मी नगरपालिका-८ का ३२ वर्षीय नवीन खड्कालाई पक्राउ गरिएको छ ।
कार्यालयका प्रवक्ता प्रहरी उपरीक्षक रामेश्वर कार्कीका अनुसार आरबी कम्प्लेक्सको अण्डरग्राउण्डमा रहेको ‘स्माइल योर च्वाइस’ पसल र सोही कम्प्लेक्सको अर्को बिल्डिङमा रहेको भेपमाण्डु ट्रेडर्स प्रालिको गोदाममा खानतलासी गरेको थियो।
