विराटनगर । पूर्वप्रधानमन्त्री शेरबहादुर देउवा विरुद्ध जारी गरिएको पक्राउ पुर्जीविरुद्ध दायर रिट निवेदनको पेसी आज न्यायाधीशद्वय महेश शर्मा पौडेल र नित्यानन्द पाण्डेय को इजलासमा तोकिएको छ।
यसअघि जेठ ५ गते न्यायाधीश मेघराज पोखरेलको इजलासले उक्त रिटमाथि प्रारम्भिक सुनुवाइ गर्दै सरकारका नाममा कारण देखाऊ आदेश जारी गरेको थियो।
अदालतले १५ दिनभित्र लिखित जवाफ पेस गर्न सरकारलाई निर्देशन दिएको थियो।
देउवाविरुद्ध जारी पक्राउ पुर्जीको वैधानिकतामाथि प्रश्न उठाउँदै सर्वोच्च अदालतमा रिट दायर गरिएको हो।
