विराटनगर । नेपाली कांग्रेसका सांसद् निश्कल राईले सभामुख डोलप्रसाद अर्याललाई हिजो प्रतिपक्षमा हुँदा गरेका आन्दोलनको स्मरण गराउँदै अहिलेको विरोधलाई अमर्यादित भनेर दोहोरो मापदण्ड नबनाउन आग्रह गरेका छन् ।
आज बसेको प्रतिनिधिसभाको बैठकमा श्रम संस्कृति पार्टीले देखाइरहेको प्लेकार्डलाई सभामुख अर्यालले अमर्यादित भनेको प्रति असहमति जनाउँदै उनले निलो स्कार्फ र आजको प्लेकार्ड आन्दोलनलाई एकै प्रकारले लिनुपर्ने बताए ।
उनले भने ‘आज सत्तामा हुनेहरू हिजो प्रतिपक्षमा हुँदा निलो स्कार्फ बाँधेर बेल घेर्ने, बेलमै पलेटी कसेर बस्ने र पुस्तक पढ्ने गर्नुहुन्थ्यो। आफैँले गर्दा मर्यादित हुने, अरूले जबाफदेहिता खोज्दा अमर्यादित कसरी हुन्छ ?’
