विराटनगर । युवा तथा खेलकुद मन्त्रालयले क्यानमाथि कारबाही प्रक्रिया अघि बढाउने तयारी गरेको छ अख्तियार दुरुपयोग अनुसन्धान आयोगमा परेको उजुरी सम्बन्धी छानबिनमा सहयोग नगरेको भन्दै मन्त्रालयले राष्ट्रिय खेलकुद परिषद्लाई आवश्यक प्रक्रिया अघि बढाउन निर्देशन दिएको हो ।
क्यानले राष्ट्रिय खेलकुद विकास ऐन, २०७७ को दफा २८ बमोजिम मन्त्रालय र परिषद्लाई बुझाउनुपर्ने लेखा र श्रेस्ता सम्बन्धी कागजातहरू उपलब्ध गराउन इन्कार गर्दै आएको मन्त्रालयले जनाएको छ ।
अख्तियारले २०८१ मङ्सिर र फागुनमा पटक-पटक पत्राचार गर्दा पनि क्यानले विवरण नबुझाएपछि फाइल अनिर्णित अवस्थामा रहेको मन्त्रालयको ठहर छ।
