झापा— भारतीय नम्बर प्लेटका दुई सवारी साधनमार्फत शंकास्पद रूपमा नेपाल प्रवेश गरेका ७ जना भारतीय नागरिक र १ नेपाली नागरिकलाई प्रहरीले नियन्त्रणमा लिएको छ।
जिल्ला प्रहरी कार्यालय झापाका अनुसार नियमित चेकजाँचका क्रममा डब्लुबी ०६ एक्स ०३०० नम्बरको टोयोटा फर्चुनर र डब्लुबी ०६ यु ३००६ नम्बरको मारुती सुजुकी बालेनो गाडीबाट विभिन्न नक्कली कागजात बरामद गरिएको हो। बरामद कागजातमा परिचयपत्र, कर चुक्ता प्रमाणपत्र, नेपाल सरकारको छाप प्रयोग गरिएका कागजात तथा भारतीय सवारी चालक अनुमति पत्र रहेका छन्।
पक्राउ पर्नेहरूमा भारतको पश्चिम बंगाल राज्यका अरिन्दम धर, दिपा भौमिक, सुमन सरकार, नुर कलाम सेख, अबेद अली होसैन, फारुक अज्मी तथा झापा कमल गाउँपालिकाका देवेन्द्र सापकोटा रहेका छन्।
प्रहरी नायब उपरीक्षक खगेन्द्रबहादुर खड्काका अनुसार पक्राउ परेकामाथि सरकारी छाप दस्तखत किर्ते सम्बन्धी कसुरअन्तर्गत अनुसन्धान अघि बढाइएको छ।
घटना गम्भीर प्रकृतिको देखिएकाले सीमावर्ती क्षेत्रमा सुरक्षा निगरानी कडाइ गरिने प्रहरीले जनाएको छ।
