एसइई सञ्चालन भइरहेको विद्यालयबाहिर अनिवार्य अंग्रेजी विषयको प्रश्नपत्र मोबाइलमा लिएर हिँड्ने एक जनालाई प्रहरीले समातेको छ । सर्लाहीको कविलासी नगरपालिका–२, पिपरियास्थित बाल गोविन्द जनता माध्यमिक विद्यालय नजिक मोबाइलमा प्रश्नपत्र भेटिएपछि कविलासी–५, पचगछिया बस्ने मनोज यादव पक्राउ परेका हुन् ।
परीक्षा केन्द्रबाहिर बसिरहेका उनको मोबाइलमा प्रश्नपत्र रहेको थाहा पाएपछि प्रहरीले उनलाई नियन्त्रणमा लिएको हो । परीक्षा सञ्चालन भइरहँदा यादवले प्रश्नपत्र कहाँबाट पाए भन्ने विषयमा अनुसन्धान थालिएको छ ।
