विराटनगर, ११ माघ। कोशी प्रदेशमा राष्ट्रिय सभा सदस्य निर्वाचनको मतदान आज बिहानदेखि सुरु भएको छ। विराटनगरमा सञ्चालन भइरहेको मतदान दिउँसो ३ बजेसम्म चल्नेछ।
आगामी फागुन २० गतेदेखि रिक्त हुने राष्ट्रिय सभाका कुल १८ पदका लागि सातै प्रदेशमा आज मतदान भइरहेको हो।
कोशी प्रदेशमा खस आर्यतर्फको एक पदमा नेपाली कांग्रेसका उम्मेदवार सुनिलबहादुर थापा निर्विरोध निर्वाचित भएका छन्। बाँकी १७ पदका लागि निर्वाचन प्रक्रियामा मतदान जारी छ।
यस निर्वाचनमा प्रदेशसभा सदस्य, नगर प्रमुख तथा उपप्रमुख, साथै गाउँपालिकाका अध्यक्ष र उपाध्यक्षलाई मतदाता बनाइएको छ।
