काठमाडौं । सरकारले म्याट्रिक्स फाइट नाइट १७ (एमएफएन १७) च्याम्पियन नेपाली एमएमए फाइटर रवीन्द्र ढाटलाई ५ लाख रुपैयाँसहित सम्मान गर्ने भएको छ ।
आइतबार बसेको मन्त्रीपरिषद् बैठकले उनलाई प्रोत्साहस्वरूप ५ लाख रुपैयाँले सम्मान गर्न लागिएको प्रधानमन्त्री केपी ओली शर्माले जानकारी दिएका हुन् ।
ढाटले भारतको नोएडामा भएको म्याट्रिक्स फाइट नाइट (एमएफएन) १७ मा चोंगरेंग कोरेनलाई तेस्रो राउन्डमा पराजित गर्दै बान्टमवेट च्याम्पियनको उपाधि जितेका थिए ।
यो जितले रवीन्द्रको व्यावसायिक रेकर्ड ८–१ मा सुधार भएको छ भने कोरेनको पाँच फाइटको रेकर्ड तोडिएको छ ।
बझाङका रवीन्द्र यो उपाधि जित्ने पहिलो नेपाली फाइटर बनेको छ ।
यस्तै, उनका प्रशिक्षक तथा मेन्टर दिविज पिया लामालाई भने २ लाखसहित सम्मान गरिने ओलीले आफ्नो सामाजिक सञ्जालमा पोस्ट गरेका छन् ।
