काठमाडौं । भारतीय क्रिकेटर विराट कोहलीले पाँच महिनापछि अन्तर्राष्ट्रिय क्रिकेटमा फर्कने तयारी थालेका छन् ।
अनुभवी भारतीय ब्याटर कोहली लन्डनमा गुजरात टाइटन्सका सहायक प्रशिक्षक नईम अमिनको नेतृत्वमा प्रशिक्षण गरिरहेका छन् ।
३६ वर्षीय भारतीय ब्याटर कोहलीले अक्टोबरमा अस्ट्रेलियाविरुद्धको ३ एकदिवसीय सिरिज खेल्नेछन् ।
उनले शुक्रबार इन्स्टाग्राम स्टोरीमा आफ्नो अभ्यासको तस्बिर पोस्ट गरेका हुन् । जसमा विराटले लेखेका छन्,‘तयारीमा सहयोग गरेकोमा धन्यवाद दाजु । तपाईंलाई देख्न पाउँदा सधैं खुशी लाग्छ ।’
कोहलीले मार्च ९, २०२५ देखि अन्तर्राष्ट्रिय क्रिकेट खेलेका छैनन् । उनले अन्तिम पटक च्याम्पियन्स ट्रफीको फाइनलमा न्युजिल्यान्डविरुद्ध खेलेका थिए । भारतीय टोलीले त्यो खेल ४ विकेटले जितेको थियो ।
भारतले १९ देखि २५ अक्टोबरसम्म अस्ट्रेलियासँग ५ वटा टी–२० खेल पनि खेलिनेछन्, तर विराट कोहली टी–२० खेलको हिस्सा हुनेछैनन् । उनले एकदिवसीय सिरिज मात्रै खेल्नेछन् ।
