विराटनगर । विराटनगरमा शुक्रबार (आजदेखि) करिब २ करोडको लगानीमा डिभाइन जिम सञ्चालनमा आएको छ ।
विराटनगर महानगरपालिका-७ धाडेवा गल्लीस्थित धाडेवा कम्प्लेक्समा अत्याधुनिक उपकरणसहितको जिम सञ्चालनमा आएको हो ।
सुनसरीको बर्जु गाउँपालिका-२ का पूर्वप्रधानाध्यापक प्रह्लादकुमार कामतले संरक्षकका रूपमा रहेर उक्त जिम सञ्चालनमा ल्याएका हुन् ।
उनी बर्जुस्थित रामसीता माध्यमिक विद्यालयका पूर्वप्रअ हुन् ।
कामतका छोरा बिमल कामतले एक कराेड ३५ लाख बराबरको इक्युपमेन्ट राखेर आजदेखि सञ्चालनमा ल्याएको जिमको उद्घाटन शुक्रबार भएको थियो ।
संरक्षक प्रह्लादकुमार, बर्जु-२ का वडाध्यक्ष महेन्द्रकुमार कामत, बर्जु-३ का वडाध्यक्ष विनोदकुमार गुरुङलगायतले उक्त व्यायामशालाको उद्घाटन गरेका हुन् ।
जिममा शारीरिक व्यायामसँगै कार्डियो, जुम्बा, एरोबिक, योगा, मेडिटेसनसमेत हुने सञ्चालक कामतको भनाइ छ ।
१० जना ट्रेनर, २ जना रिसेप्सनिस्ट, १ जना क्लिनिङ स्टाफ गरी १३ जनाले जिममा प्रत्यक्ष रोजगारी पाएको उनले बताए ।
पछिल्लो समय जीवनशैलीसँगसँगै ब्याआम, स्वस्थ राख्न र फिटनेश, जिम अनिवार्य भएकाले जिम खोलिएको सञ्चालक कामतले जनाए ।
‘विराटनगरमा वेल इक्युपमेन्ट भएको पहिलो जिम हो,’ उनले भने ।
यसैगरी, खरेल अर्गनाइजेसनका डाइरेक्टर सज्ञान खरेलले ‘इभल्भ’ ब्रान्डको उक्त जिमका सामग्री राखेर विराटनगरमा पहिलोपटक जिम खुलेको सुनाए ।
