विराटनगर । नेपाली राष्ट्रिय क्रिकेट टोलीका सदस्य तथा पूर्वकप्तान सन्दीप लामिछानेले टी-२० आई वरीयतामा छलाङ मारेका छन् ।
अन्तर्राष्ट्रिय क्रिकेट परिषद (आइसिसी) ले जारी गरेको टी-२० आईको पछिल्लो बलिङ र्यांकिङमा सन्दीप ७५औं स्थानमा रहेका छन् ।
सन्दीप ४१ स्थानमाथि उक्लिएर त्यो स्थान पुगेका हुन् । टी-२० आईकै बलिङ वरियतामा २९ स्थान सुधार गर्दै अर्का नेपाली बलर ललितनारायण राजवंशी ५४औं स्थानमा छन् ।
अर्का बलर दीपेन्द्रसिंह ऐरी १ स्थान तल झरेर ८१औं स्थानमा छन् । टि ट्वान्टी आईको ब्याटिङ वरीयतामा १० स्थान सुधार गर्दै कुशल भुर्तेल ८३औं स्थानमा छन् ।
टि ट्वान्टी आईको अलराउन्डर वरियता दीपेन्द्रसिंह ऐरी तेस्रो स्थानमा कायमै रहेका छन् । नेपाली टिमका कुशल भुर्तेल ६ स्थानमाथि उक्लिएर ३२औं तथा गलशन झा ६१औं स्थानमा छन् ।
