विराटनगर । विराटनगर महानगरपालिका-११ नयाँ गुद्रीस्थित भित्री पक्की सडकखण्डमा मोटरसाइकल र साइकल ठोक्किँदा एक जना गम्भीर र एक जना सामान्य घाइते भएका छन् ।
बसपार्कबाट नयाँ गुद्रीतर्फ जाँदै गरेको प्र.१-०२-४४प ९२३१ नम्बरको मोटरसाइकलले सोही दिशातर्फ जाँदै गरेको साइकलयात्रीलाई ठक्कर दिएको हो ।
बुधबार राति ८:३० बजे भएको उक्त दुर्घटनामा साइकल यात्री विराटनगर-१२ निवासी ३० वर्षीय सञ्जय कामतको टाउको र कानमा चोट लागेको छ ।
उनको अवस्था गम्भीर रहेको र उपचारका लागि न्यु गोल्डेन अस्पताल विराटनगरमा पठाइएको छ ।
मोटरसाइकल चालक सुनसरी जिल्ला बर्जु गाउँपालिका-५ निवासी २७ वर्षीय राजेश चौधरीलाई प्रहरीले नियन्त्रणमा लिई वडा प्रहरी कार्यालय विराटनगरमा राखेको छ ।
दुर्घटनामा परेको साइकल र मोटरसाइकल प्रहरी चौकी बखरीको नियन्त्रणमा रहेको छ ।
घटनास्थल जिल्ला ट्राफिक प्रहरी कार्यालय मोरङबाट अन्दाजी ३ किलोमिटर दक्षिण-पश्चिम पर्ने स्थानमा रहेको र दुर्घटनाको कारण मोटरसाइकल चालकले मादक पदार्थ सेवन गरेको प्रहरीले जनाएको छ ।
