विराटनगर । भारतमा जारी प्रथम संस्करणको खो खो विश्वकपको फाइनल खेलमा नेपाल भारतसँग पराजित भएको छ ।
आइतबार भारतको नयाँ दिल्लीस्थित इन्दिरा गान्धी इनडोर हलमा भएको खेलमा नेपाल ७८-४० ले पराजित भएको हो ।
नेपालको महिला टोली समूह सीबाट अपराजित रहँदै फाइनलमा पुगेको हो भने पुरुष टोली समूह ‘ए’को उपविजेता हुँदै फाइनल पुगेको थियो ।
नेपालले सेमिफाइनलमा युगाण्डालाई पराजित गरेको थियो ।
नेपालले खो–खो खेलमा १२ र १३ औं दक्षिण एसियाली खेलकुद (साग) मा पदक जितिसकेको छ ।
घरेलु भूमिमा सन् २०१९ मा भएको १३ औं सागमा नेपाली महिला टिमले खो–खोमा रजत जितेको थियो ।
त्यतिबेला भारतसँग १७–५ स्कोरले पराजित भएर नेपालले स्वर्ण गुमाएको थियो ।
नेपाललाई भारतसँग सागको बदला विश्वकपमा उसकै भूमिमा लिने अवसर छ ।
यसअघि सन् २०१६ मा गुवाहाटीमा सम्पन्न १२ औं सागमा नेपालका महिला र पुरुष दुवै टिमले कांस्य जितेका थिए ।
त्यतिबेला पनि दुवै स्वर्ण भारतले जितेको थियो भने बंगलादेश रजतमा सीमित भएको थियो ।
