विराटनगर । काठमाडौंमा हालै सम्पन्न नेपाल प्रिमियर लिग (एनपिएल) मा सर्वाधिक विकेट लिन सफल ललित राजवंशीलाई गृहनगर विराटनगरमा सम्मान गरिएको छ ।
बुधबार विराट मिडियाले एक कार्यक्रमको आयोजना गर्दै राजवंशीलाई सम्मान गरिएको हो । विराटनगर महानगरपालिका-१४ कठकुप्पा निवासी ललित मंगलबार विराटनगर आइपुगेका थिए ।
बुधबार खेलकुदसँग सम्बन्धित विभिन्न संघ-संस्था र खेलकुद क्षेत्रमा लागेका व्यक्ति तथा उनका समर्थकहरूको राजवंशीलाई नागरिक अभिनन्दनसमेत गरेका थिए ।
उनलाई महानगरपालिकाभित्र बृहत्त बाजागाजासहित अभिनन्दन र्याली निकालिएको थियो ।
पहिलो संस्करणको एनपिएलमा जनकपुर बोल्टसबाट खेलेका ललित उपाधि जित्न सफल बनेको थियो । जनकपुरले सुदूरपश्चिमलाई हराउँदै उपाधि जितेको थियो ।
प्रतियोगितामा कुल १० खेलमा ४० ओभर बलिङ गरेका थिए । जसमा उनले १७ विकेट हात पारेका थिए । त्यसक्रममा पाँच ओभर मेडन राखेका उनले २१३ रन खर्चिएका थिए ।
ललितलाई नकिनेको भन्दै एनपिएलआबद्ध विराटनगर किंग्सको आलोचना हुने गरेको थियो ।
