विराटनगर । विराटनगरमा जारी दोस्रो ‘मिल्स फार्क फुटबल’ प्रतियोगितामा रेडस्टार, अर्किड र सगरमाथा स्कुल विजयी भएका छन् ।
विराटनगरस्थित जुट मिलको मैदानमा भएको प्रतियोगिताअन्तर्गत मंगलबारको पहिला खेलमा पथरीको रेडस्टार स्कुलले विराटनगरको कान्तिपुर कलेजलाई १-० गोलमा पराजित गर्यो ।
रेडस्टारको जितमा चोसाङ गुरुङले एक मात्र गोल गरेका थिए । प्लेयर अफ द म्याच रेडस्टारका जोशन कार्की भए ।
त्यस्तै, दोस्रो खेलमा विराटनगरको अर्किड कलेजले सुन्दरहरैँचाको ब्राइचफ्युचर स्कुललाई ३-१ गोलमा पराजित गर्यो ।
अर्किडका लागि प्लेयर अफ द म्याच दर्शन मगरले दुई र रोमन सोनामले १ गोल गर्दै टोलीलाई विजयी बनाए ।
त्यसैगरी, आजै भएको तेस्रो खेलमा विराटनगरको सगरमाथा स्कुलले विराटनगरकै आदर्श माविलाई टाइब्रेकरमा ४-३ गोलले हरायो ।
खेलको निर्धारित समयमा दुवै टोलीबाट १–१ गोलको बराबरी भएपछि खेलको निर्णय टाइब्रेकरबाट भएको हो ।
यससँगै रेडस्टार, अर्किड र सगरमाथा क्वार्टरफाइनलमा प्रवेश गरेका छन् ।
