विराटनगर । काठमाडौंमा जारी सिद्धार्थ बैंक नेपाल प्रिमियर लिग (एनपिएल) आबद्ध विराटनगर किंग्सले नयाँ खेलाडी भित्र्याएको छ ।
एनपिएलमा लगातार खराब प्रदर्शन गरिरहेको विराटनगरले नेदरल्यान्ड्सका कप्तान स्कट एन्ड्रु एडवर्ड्सलाई ल्याएको हो ।
सुरुआती चारमध्ये तीन खेलमा पराजित भएको विराटनगरले ब्याटर र विकेट किपरसमेत रहेका डच कप्तान एन्ड्रुलाई अनुबन्ध गरेको हो ।
मंगलबार काठमाडौं आइपुगेका एन्ड्रु अब विराटनरको आगामी खेलमा उनी उपलब्ध हुनेछन् ।
विराटनगरको ब्याटिङ र विकेट किपिङमा यसअघि समस्या देखिएको थियो । उनले विकेट किपिङमा लोकेश बमको स्थान लिनेछन् ।
विराटनगरले यसअघि लुम्बिनीलाई मात्रै पराजित गरेको छ ।ऊ जनकपुर, सुदूरपश्चिम र कर्णालीसँग पराजित भएको छ ।
अब विराटनगरले काठमाडौं, चितवन र पोखरासँग खेल्न बाँकी छ । विराटनगरले अब बिहीबार बिहान पोखरासँग खेल्दै छ ।
